如心廣場係香港荃灣一對地標摩天大廈，係全新界最高嘅樓。如心廣場有兩棟樓，矮嗰棟42層叫Nina Tower，高163.7米，係酒店來；高嗰棟80層叫Terry Tower，高318.8米，其中30層係甲級寫字樓來，淨返就係酒店。兩棟樓代表華懋集團老細龔如心(Nina)，同佢個畀人綁架失蹤多年嘅老公黃德輝(Terry)，中間建有一條玻璃天橋連接,寓意夫妻手牽手永不分離。不過唔理高低，成整個建築，都叫如心廣場，而英文就叫Nina Tower。不過好惜，雖然棟樓都差唔多起好，但係重未入伙。龔如心等唔到呢一日，就響2007年4月3號病死，睇唔到佢開張。
如心廣場塊地響楊屋道八號，荃灣市鎮地段353號，係填海填出來。成塊地面積有成21萬平方呎。起好之後，成棟嘢有成280萬平方呎。

裏面
如心廣場底有巴士總站同其他公共交通，2000年已經起好。