象係目前世界上最大型嘅陸上哺乳動物，屬於長鼻目（Proboscidea）意指所有嘅象類，只有一科兩屬三種，即係象科，非洲象屬同亞洲象屬，非洲象有兩種：普通非洲象（又叫熱帶草原象或者灌木象）同非洲森林象，亞洲象可細分成 4 種：印度象、錫蘭象、蘇門答臘象、馬來西亞象。兩者廣泛分布喺非洲撒哈拉沙漠以南、南亞、東南亞甚至中國南部邊境嘅熱帶同埋亞熱帶地區。象因為咁大隻，所以叫大象，加上睇來笨重，又畀人叫做大笨象。
象嘅妊娠期為 20 - 24 個月，係眾哺乳動物之首。剛出生嘅象 BB 就有 100 千克重，需要 8 - 14 歲先到性成熟。據報導1974年喺安哥拉獵殺咗最大嘅象有 13.5 噸重。
象皮厚，冇乜毛，鼻同上唇黐埋，變成一條好似鞭一樣、圓筒狀長鼻，上頜有兩個又長而有大嘅門牙，就係所謂嘅「象牙」，口裏面一般每邊有三隻前磨牙同三隻後磨牙，攞嚟食高纖維嘅嘢食，樹葉、草等等，磨牙唔係一次過生晒出嚟，而家嘅磨牙磨爛之後，新嘅磨牙就生出嚟，所以如果最後一隻（第六隻）磨牙大約喺 60 歲磨左右爛之後，老象可能會因為營養不良而死，如果餵佢食磨爛咗嘅食物，可能可以繼續生存倒。

See - Hierarchy Classification 品種
象由於毛少，容易生皮膚病，所以需要經常沖涼或[沖泥槳浴，象皮厚，有皺紋，有啲皺紋路深達十幾厘米，皮膚淺灰色，由於洗泥浴有時看起來好像是泥土嘅紅啡色，啡色嘅眼，有長嘅眼媚毛，有一種罕見嘅白化象，白象眼睛一般係藍色。
象嘅耳仔好大，有豐富嘅血管以便散熱，尾巴唔長，頂端有毛刷。
象係草食性動物，一日要有16個小時用來採集食物，牠們的消化系統效率唔高，只有4成食物可以被吸收，一隻成年象一日雖然可以吃到30到60千克食物中，但當中有6成會被排泄出去。
象在正常時每日要走3到6千米去覓食，但迅速奔跑起來也能達到每小時36千米嘅速度。

習性
亞洲象響南亞國家經常被馴服用來役使，響交通唔便嘅森林地帶搬運木材等。非洲象其實都可以馴養，只係無亞洲象咁「機智靈敏」。
古代也訓練作為戰象，馬其頓的亞歷山大大帝進攻印度時就係被他們從沒有見過的戰象擊敗了。後來迦太基嘅漢尼拔將軍越過阿爾卑斯山進攻羅馬時亦用戰象。漢尼拔將軍所使用嘅象可能是現在已經滅絕咗嘅北非種象。